(( الهدف من ترافيان ))

الهدف من اللعب

للأسف الشديد أكثر من 95% من اللاعبين باللعبة مايعرفون شنو الهدف منها والكل قاعد يهجم على الكل والكل قاعد يحاول يزيد عدد السكان بدون هدف.

الهدف من اللعبة:

فيه 20 أرض فاضيه و مخفيه في الخريطة الإجمالية و ما حد يعرف وين هذه الأراضي تابعة لقبائل تسمى قبائل بالعربي(التتار)NATARS

و لا يمكن تشييد معجزة العالم إلا في إحدى هذه الأراضي

أول حلف يوصل معجزة العالم لمستوى 100 يربح اللعبة و تنتهي.

لما يختار حلف معين إحدى هذه الأراضي و يسوي قرية فيها و أول ما يسوي معجزة العالم تهجم عليه قبيلة منNATARS بقوة شديدة و تحاول تدمره يعني لازم يكون عنده قوات دفاع شديدة جدا معززة من حلفه كل ما يرتفع 5 مستويات بمعجزة العالم تهجم قرية الين يوصل مستوى 95.. بعد هل شي تهجم عليه كل قبائل NATARS مع كل مستوى يرفعه.

بس المهم بالموضوع:

أراضي Natars مخفيه و من الصعب جدا ان الواحد يشوفها و قبل ما اي واحد يحتل أي ارض تابعة لهم لازم يكون عنده على الأقل 4 قرى ثانيه و قويه علشان يقدر يدعمها بالموارد و القوات بشكل كبير لان لاعب واحد مستحــــــيل يربح اللعبةNatars تدمره اشد تدمير لازم يكون واراه حلف قوي جدا يدعمه و أذا امتلك أي لاعب قرية من عندهم و بني معجزة العالم مستوى 100 يصير حلفه هو الرابح و تتحول اسامي جميع الأحلاف الثانية إلى اسم الحلف الرابح و تنتهي الحرب.

و يعم السلام Smile